ინდივიდუალური გადაწყვეტილებების შესაქმნელად, Sapienstone (Iris Ceramica Group-ის ბრენდი) გთავაზობთ დიდი ფორმატის კერამიკულ ფილებს, სადაც ტრადიციები თანამედროვეობას ერწყმის. ეს მასალა სამზარეულოსა და ინტერიერის დიზაინში ელეგანტურობის სიმბოლოდ არის ქცეული. ძირითადი ფორმატია 160x320 სმ (12 და 20 მმ სისქით), რაც საუკეთესოა სამზარეულოს სხვადასხვა ზედაპირისა და ავეჯის მოსაპირკეთებლად. დამატებით კი „Dress Code“ კოლექციები უზრუნველყოფს ფორმატების მრავალფეროვნებას, რაც ნებისმიერ დიზაინერულ მოთხოვნას აკმაყოფილებს.

Alaska White წარმოადგენს ნატურალური გრანიტის ესთეტიკის თანამედროვე ინტერპრეტაციას. კრისტალურად თეთრ ბაზაზე მიმოფანტული ღია ნაცრისფერი ნიუანსები და სხვადასხვა მინერალური ნაწილაკების მსგავსი დეტალები ზედაპირს განსაკუთრებულ “ ხასიათს სძენს. მისი დიზაინი მაგმის გაციების ბუნებრივ პროცესს მოგვაგონებს, როცა კრისტალთა ქაოტური, თუმცა ჰარმონიული განლაგება მასალას არქიტექტურულ სიღრმეს ანიჭებს.

ეს სამზარეულოს ზედაპირი იდეალური გადაწყვეტილებაა ნათელი და მონოლითური სივრცეების შესაქმნელად. Alaska White-ის ვიზუალი ახლოდან ტექსტურული და დეტალიზებულია, ხოლო შორიდან - სუფთა და მოწესრიგებული. იგი კარგად ერწყმის როგორც მინიმალისტურ თეთრ ინტერიერს, ისე მუქ აქცენტებსა და ნატურალურ ხეს. 

ამ ფილების ანტიბაქტერიული ზედაპირი მაქსიმალურად რეზისტენტულია გარემოს ფაქტორების მიმართ: ის დაცულია ნაკაწრებისგან, ლაქებისგან და უძლებს მაღალ ტემპერატურას. მზის სხივების ზემოქმედების მიუხედავად, მასალა ფერს არ კარგავს, რაც მის ექსპლუატაციას საგრძნობლად ახანგრძლივებს. ამასთან, პროდუქტი ეკოლოგიურად სუფთაა და ჯანმრთელობისთვის სრულიად უვნებელია.