PREMIUM WHITE არის კერამიკული ფილა, რომლის ღია ფერის ქვას წვრილი, დახვეწილი ზოლები ნაზად მიუყვება. 

ესენია დიდი ფილები - სათუთი, როგორც ძვირფასი აბრეშუმი და ფასეული, როგორც ბუნებრივი მარგალიტი, ამავდროულად კი, მედიდური და ძლიერი - ისეთი, როგორიც მხოლოდ თეთრი მარმარილო შეიძლება იყოს. 

Fiandre იტალიური კომპანიაა, რომელიც მაღალი ხარისხის კერამოგრანიტს ამზადებს. ბრენდი მსოფლიოს წამყვან არქიტექტორებთან თანამშრომლობს. მათი პროდუქცია გამოიყენება როგორც სახლების, ისე ცათამბჯენების ფასადების, აეროპორტების, სასტუმროების, რესტორნების, სავაჭრო ცენტრებისა და ოფისების მოსაპირკეთებლად.

ბრენდის ერთ-ერთ ყველაზე დახვეწილი კოლექცია შექმნილია იმისათვის, რომ ბუნებრივი მარმარილოს ესთეტიკა და ტექნოლოგიური სრულყოფილება გააერთიანოს. მას აქვს კაშკაშა თეთრი ფონი, რომელზეც ძალიან ნაზი და რბილი ნაცრისფერი ძარღვები „მიედინება“. აღსანიშნავია, რომ ის შთაგონებულია ყველაზე ძვირადღირებული მარმარილოებით, თუმცა მისი ვიზუალი უფრო ჰაეროვანი და მშვიდია.

Fiandre-ს ტექნოლოგიის წყალობით, დიდი ზომის ფილები (მაგალითად, 300x150 სმ) მზადდება, რომელთა სისქეც სულ რაღაც 6 მმ-ია. სწორედ ეს ქმნის ერთიანი, მონოლითური ზედაპირის ეფექტს. მიუხედავად სისქისა, ისინი მდგრადია, ექსპლუატაციის ხანგრძლივი ვადით გამოირჩევა და ყველაზე მაღალი დატვირთვის მქონე საჯარო სივრცეებში გამოიყენება. აღსანიშნავია, რომ ფილები მდგრადია ცვეთის, ქიმიური საშუალებებისა და ულტრაიისფერი სხივების მიმართ. გარდა 300x150 სმ ზომებისა, ხელმისაწვდომია 270x120; 150x150 სმ; 150x75სმ ფორმატში.

Premium White არის მათთვის, ვისაც მარმარილოს კლასიკური ძალის შეგრძნობა უფრო თანამედროვე, მსუბუქი და ნატიფი ინტერპრეტაციით სურს. 

კომპანია 1961 წელს დაფუძნდა და უკვე 65 წელია ბაზარზეა. აღსანიშნავია, რომ Fiandre მსოფლიო გიგანტის, Iris Ceramica Group-ის შემადგენლობაში შედის.